وكانت ليلة البارحة...

7

Written on 4:12 AM by asmaa

كنت انوى كالعادة انى امارس هوايتى المفضلة فى الكتابة والقاء ما فى جعبتى هنا على المدونة , كمن يحمل غربالا ويضع فىه كل ما بداخله من هموم والم وحب وفرحة وحزن ثم ييغربله هنا كى يترك فقط الذكريات الجميلة ...لا ادرى لماذا دائما اشارك مدونتى الاحزان ولا اعيرها اهتماما عندما افرح ...هكذا الحياة تشاركنا آلامها وتتركنا عندما تسعد كى ننظر لها من بعيد وكانما نرغب بحقنا فى المشاركة .. فياتى الرد باهتا من وراء ابتسامة خجولة ... اذهبوا انتم كى تبحثوا عن السعادة فى مكان آخر ...جاء ملاكى كى ينقذكم من حفنة مشاعر غاضبة كانت ستصب ع المدونة ..وبالفعل اتى فى لوقت المناسب ...كانت الليلة الماضية حيث تسربت اخبار ما عن خطة بين امى وخطيبى (ملاكى ) ولا ادرى ماذا يدبران لى حتى دقت التاسعة وعلمت انهم يحضران لى مفاجأة ما ..جاء ملاكى كى يحتفل بعيد ميلادى (بينى وبينكم يعنى 23 سنة) يااااااااه بجد كانت مفاجاة كبييرة قوووى انى احس انه فيه انسان رقيق حاسس بيا وعايز يعملى حاجة تفرحنى وتسعدنى ...بجد كنت ببص فى عينه وانا بتخيل انى بضع قلبى بين كفيه (اقل واجب يعنى) بجد كنت هتبسط قوى لو قلبى كان طار وبصيتله لقيته فى كفه وبالرغم من ان انه هيتفاجا من موقف قلبى حاسه انه هيبصله بحنية ويطبطب عليه ويسيبه يطيرليا تانى بقه :D...بجد بجد مش عارفة اقولك ايه او اشكرك ازاى ...بس كل اللى اتمناه انه ربنا بجد يقدرنى واقدر اسعدك فى ايامنا اللى جاية مع بعض خصوصا بعد زواجنا باذن الله ياأجمل ملاك لا املك غير ان اقول لك بجد انت فعلا ملاكى ....

نزلوا الستار بقه.....

اه صحيح الهدية بقه كانت فعلا حاجة كنت محتجاها بجد بعد ما الله يرحمه الدى فى دى رايتر بتاعى الله يرحمه

وبعد الام بى ثرى بتاعى اللى كنت بستعمله مخزن الله يقوية بقه

وكانت الهدية

WS Portable hard disk 160 GB

واخيرا.....لاداعى للقلق من زحمة الجهاز

ولا داعى للقلق من نقل البيانات .........

تسلملى بجد يا....ملاكى



If you enjoyed this post Subscribe to our feed


7 Comments

  1. walaa rizk |

    هيييييييييا

    أول تعليق


    ربنا يخليك الملاك

    الذى نحسبه صدقا ولا نزكيه على الله

    يابنتى لازم اللى يرتبط بحبيبه قلبى يكون ملاك

    المهم كل سنه وانتى حبيبتى


    كل سنه وانتى فى سعاده وحب والأسلام فى عز وزياده

    كل سنه وانتى بتزيد

    علم ورقى وقرب من الله

    كل سنه وبجد كلامى يعجز عن انه يوصفلك سعادته انى فى يو معرفتك


    انا هأجى وعايزه تورته ولا هتأكليها عليه


    كل عام وانتى الى الله أقرب

    انى احبك فى الله

    ربنا يبعد عنك انتى وخطيبك

    قر الناس الفقر اللى مش بيسيبوا حد فى حاله

    ويجمعكم قريبا على خير

    واكييييييييد ان شاء الله أكون موجوده

    سلام ياقلبى

     
  2. Amr Salah Ibrahim |

    مش عارف اقولك ايه

    بس انا بجد بحاول اني ادخل دايما السعادة والفرح على قلبك يعني على قد ماقدر

    ومهما بجد عملتلك او جبتلك بجد مش هاوفي قدر حبك وتقديرك ووقوفك جنبي

    ربنا مايحرمني منك يانور الدنى

    ملاكك :)

     
  3. asmaa |

    ربنا يخليكى ياقلبى

    وطبعا حقك محفوظ فى التورتى

    تعالى انت بس ومالكيش دعوة هدفعك تمن العزومة:D

     
  4. asmaa |

    ايه ده

    ملاكى كمان دخل

    ربنا يخليك ليا يارب

    والله من غير حاجة

    انت كل حاجة بالنسبالى

    يارب بس اقدر اسعدك :">

    اللى انت ملاكها :)

     
  5. هوندا |

    سمسوم

    كل سنة وانتى بخير ياحبيبتى
    والف مبروك ع الهارد البورت بجد هدية تحفه
    :D

    ربنا يبارلك فيه (الهارد)ههههههههه
    ويجمع بينكم فى الخير (مش الهارد طبعا )هههههههههههه

    تستهالى كل خير

     
  6. Anonymous |

    السلام عليكم
    ازيك يا اخت اسماء

    قبل ما اقول مبروك الهدية
    اقول كل سنة وانتي طيبة طبعا

    وربنا يحفظك انتي وعمرو
    ويسعدكم يا رب ببعض
    ويجعل من حياتكم حياة على خطى المصطفى صلى الله عليه وسلم
    ويجعل لكم ذرية يعز الله بها الإسلام والمسلمين

     
  7. asmaa |

    السلام عليكم

    هوندا ربنا يخليك ياجميل وانتى طيبة

    وحشااانى بجد قوووووووى



    الريس :D اهلا وسهلا بيك بجد شرفتنى جدا وانت طيب بجد
    ربنا يعزك ويعز بيك ااسلام ان شاء الله وبامام الحرم ;)

     

Post a Comment