قيود...قيود
Written on 5:35 PM by asmaa
قيود ...قيود ...قيود....كل ما هناك قيود...قيود تعوق الفكر...تعوق العمل والابداع والحب والقلب ...الحرية مقيدة من كل جانب....انا لا اتكلم عن القود التى وضعها الله سبحانه وتعالى لانى اعلم جيدا انه لم يضعها الا لينظم الحياة ويحمى الانسان من نفسه واتباع اهواءه التى قد تضر غيره ....ولكنى اتحدث عن القيود التى وضعها الانسان وع العكس قد يتهاون فى قيود الله عز وجل ولكن يلتزم جدا بقيود نفسه وقيود الواقع وقيود العادات وووو......حقيقى انا مش عارفة اعمل ايه ...انا فعلا مش قادرة افكر ...مش قادرة اشتغل...مش قادرة اعمل اى شئ....قيود غريبة قيود ع الفكر بشكل غريب...قيود ع العمل ...على اى تصرف.....لا ادرى هل هوه حق غيرى على انا اتصرف كما يحب والا يغضب ويثور ويقاطعنى......حتى لو كان هذا الشخص اقرب الناس ليا....لا ادرى هل هوه واجب عليا ان الغى نفسى مقابل ان يستريح الاخرين....والا اكون انا البنت الشاذة الغريبة الاطوار الغير مطيعة ....يالله ....اهدينى الى الصواب...ان اكسب نفسى ولو مؤقتا مقابل ان يغضب الاخرين قليلا ...لفعلتها فورا....ولكن لجام افعالى هوه انى لا استطيع ان اثور عليهم او افعل ما الا يريدون سوى ان يامروننى بالشرك فقط.....يارب لقد تعبت تعبت تعبت تبعت .....حقا اشعر اننى كطائر حزين محبوس بداخل قفص ....وضعه الناس والتقاليد...لا يستطيع النهوض...حتى انه لا يستطيع المقاومة.....لم اكن كذلك من قبل قد اعطانى ابى كافة الصلاحيات كى افعل ما اريد ولكن بقيود الدين فقط....وكنت سعيدة بذلك ....ولكنى الان لا ادرى ما ذا جرى....حقا لا استطيع الحياة هكذا مع كل هذه الانتقادات والتهكمات والعقد والكلاكيع والافكار ومراقبة الناس فى كل امورى وتصرافتى ...حقا من راقب الناس مات هما كما يقال....واشعر اننى فى لحظة من اللحظات ساموت هما او غيظا....لا ادرى واخشى ان تقتل داخلى الارادة ....فلو ماتت ارادتى...لن يكون هناك حياة......... قيود من الداهل ومن الخارج ...حتى قيود الحاكم لبلده واهله هى ايضا تلجمنى ....كفى ما اره من صراعات وكفى ما اراه من كبت شعب تحت مظلة حكم ظالم ابدى...لا يحب التغيير ولا يحب الحق.....يالله ارحمنى...واهدينى الا ما تحب وترضى..........
Posted in
خواطر
|
اوعى تفتحى التعليق اللى قبلى لأنه _فيروس-...أنا آسف على التأخير على تعليقك لأنى عادة مش بارجع لحاجة كتبتها قبل كده...يارب تكون كتاباتى عجبتك...تحياتى ليكى
جزاكم الله خير ؟؟؟؟وشكرا ع التنوية بس للاسف انا فعلا كنت فتحته ...بس ربنا ستر وجت ع قد تنزيل ويندوز بس :D
بجد شرفت البلوج واتمنى تكون فيه المذيد من المشاركات :) وبالتوفيق فى كتاباتك التحفة دى
هههههههه انتى متحاصرة فيروسات احذفيهم يابنتى
المهم حاول تتغلبى ع القيود دى لو فعلا هيا عادة مش حرام وقاومى ع قدماتقدرى لو ده هيكون سبب لسعادتك وكبرى دماغك بس متستسلميش
شكرا ياهوندا.....وجارى التعديل ....والتغيير ....والفك....والتكسير...ربنا يستر D:
جذبنى طريقتك وأسلوبك واحاسيسك فى الموضوع
كل حاجة بجد حلوة وندخل فى الكلام الجد بقى كل واحد قادر انه يحرر نفسه من القيود دى متركزيش عليها لا تنظرى الا للامل والهدف فقط جربى وانتى ماشية فى الشارع ركزى على حاجة بعيدة وحاولى توصلى ليها بس وانتى مركزة عليها هتلاقى ان الموضوع بسيط جدا لا كل حاجة بتقابلك مش هتهمك لانك عايزة توصلى لحاجة معينة
اعملى الحاجة اللى انتى شايفاها لان كل واحد أدرى بنفسه وبشخصيته اتصرفى بطبيعتك اللى اتربيتى عليها
هتلاقى كل اللى حواليكى يتأقلموا على كده
سورى انى طولت عليكى وتحياتى ليكى
اهلا وسهلا بيك فرصة سعيدة يامانو...وشكرا ليك بجد..وعندك حق والله ادينا بنحاول....وعلى فكرةانت بلدياتى لانى من منية النصر برده ..ومعروفة هناك...بس نقلنا المنصورة من فترة صغيرة ...وسلامى لبلدى لانها وحشتنى :)
بصى ياسمسه
سيبك من الكون كله لو انتى صح
خدنا ايه من السير وراء عادات باليه
اهم حاجه مانغضبش ربنا
كونى حره فى فكرك
صدقينى هيجى يوم تعملى كل اللى تؤمنى بيه بدون قيود
لو دلوقتى مقيدين شويه
غدا لناظره قريب
اهم حاجه ثقى ف الله
هونى على نفسك
فعلا فى قيود كتير احنا اللى خليناها تحكمنا
يااااارب...يعنا...الى ما يحب ويرضى...
كمان بلديات ايه الصدف السعيدة دى
طبعا تحياتى ليكى ياأسما وهسلملك على البلد حاضر وهيا كمان بتسلم عليكى على فكرة هههههه
المهم انا معاكى اهه لو محتاجة فلوس ولا حاجة
حق التاكسى مثلا
تقبلى تعليقى المتواضع ولنا عودة ان شاء الله