نظرة جديدة

6

Written on 2:16 AM by asmaa

مش عارفة ابدا منين ...بس الاكيد انا مش حاطة الصورة دى عشان اضايق حد او اكئب حد , بل بالعكس انا اول مرة احس باراحة من زماااااااااااان قوى ....

معلومة *

دى اول مرة ازور قبر والدى اللى توفى من اكتر من 10 سنين , مكنش حد بيرضى اروح هناك ومعرفش السبب بس كنت بزعل كانت عندى رغبة شديدة انى اروح كنت حاسه انه هيحس بيا ويفرح بزيارتى ....بجد وحشنى قوووووووى ...هوه الوحيد اللى كان بيفهمنى وبيشجعنى دايما

المهم كانت وفاة زوج عمتى اول انبارح وكان طلب انه يدفن مع والدى ولما راحوا لزبارته رحت معاهم بجد كنت فرحانه كانى هروح بجد ازور بابا لانه وحشنى قوى ....

بجد زيارة الموتى شئ مهم جدا ...على قد ما بتبكى وتدعى وتقرا قرآن وتشوف قد ايه الدنيا ماهى الى رحلة قصيرة قوى هتنتهى فى المكان ده وننتظر فيه البعث ....على قد ما قلبك بيصفا قوى وعلى قد ما بتكتسب طاقة روحية عالية جدااااا

ساعتها بتحس انه معتدش وقت كلها كام سنة وهتكون هنا ...؟!!!

عملت ايه ؟!
اشتغلت لربنا قد ايه؟!
عبدته ازاى؟
اخبار الصلاة معاك ايه؟!
طب القيام؟
طب القرآن؟
طب الصدقة؟
طب صلة الرحم ؟

طب هتلحق؟!

طب هوه انت اصلا ضامن ان بكره ييجى ؟!!

طب هنشتغل كل يوم كانه آخر يوم ؟!

ايه اخبارك مع اهلك مزعلهم ؟

طب اخبارك مع الناس ؟ بتسمع منهم وتنشر مشاكلهم و اسرارهم ؟

طب بتتخانق كتير؟

بتشيل فى قلبك وبتزعل بسرعة ومابتعذرش؟

بتشتغل حاجة لنهضة امتنا؟

طب كام مرة شوفت شئ سلبى وقلت وانا مالى ؟

ها فكر كده ؟!

والدنيا يعنى مستاهلة؟


صدقونى زكر الموت بينسينا كل المشاكل وبيخلينا نستعد بقه ليوم يكون فيه قبرنا روضه من رياض الجنة ؟!!! ومش عايزنه يكون تقا من كده ابدالل

انا لما افتكرت بجد بابا الله يرحمه وقد ايه كان بيعمل خير

ياااااااااااه ياحبيبى يابابا

عشان اقول بجد قد ايه الانسان ده كان رائع مش هيكفيه ميت موضوع هنا واكيد هتكلم عنه تانى

وكذلك زوج عمتى

الاتنين دول بجد مثلين فعلا يحتذى بهم لكل المسلمين


فربنا يرحمهم ويرحمنا اذا صرنا اذا ما صاروا اليه


انا كنت وانا هناك شمة ريحة حلوة قوى انا واختى وفرحنا لانه اكيد قبرهم روضه من رياض الجنة

وانا اول ما والدى توفى شفه فى الجنة بجد وكان بيمسح وجه رجل شديد الجمال شديد الهيبة مش عارفة هو مين

وياريت كل اللى يقرا الموضوع ده يوصل رسالتى

انه الدنيا مش مستاهلة زعل او هم او مشاكل او كره او حقد او اى شئ سلبى

تعالو نصالح الناس اللى حوالينا نود اهلنا ونعطف عليهم

تعالو مانبقاش سلبيين

تعالو نستفاد من كل ثانية لانها مش هترجع تانى والثانية اللى بعدها مش مضمونة


يلا نعمل حاجة كويسة تستفاد بيها امتنا

زى الرجل اللى غرس غرسة مش عشانه لا عشان اللى جاى بعده, هو يمكن ما يلحقهاش

بجد نصيحه زوره قبر حد قريب منكم واكيد هترجعوا احساسكم زى احساسى :)

هتتولدوا من جديد وهيتغير تفكركم بالنسبة للموت كتير


انا بقالى فترة كنت عايشة فى وهم كتير وخوف بشع من فكرة الموت

بس ليه مهو طول منا بعمل خير ما فيش خوف

بس فيه شوق لثواب ربنا سبحانه وتعالى

يارب ارزقنا عمل صالح يقربنا اليك

اللهم اجعل خير عمرنا آخره وخير اعمالنا خواتيمها وخير ايامنا يوم ان نلقاك فيه وان راض عنا يارب آمين



بداية جديدة

4

Written on 2:46 AM by asmaa



بداية جديدة...

اشحن بطاريتى...

استجمع افكارى وتجاربى....

الملم ذاتى...

اقاوم كل التحديات ...

اصغى لصوت الدين ....فقط الدين وليست اى قيود من التى يضعها الناس لانفسهم باسم العادات ويقد يجعلونها فوق الدين

اصغى لصوت الكون الذى ينادينا بان نعمره ...

اصغى لجمال الطبيعة الساحر واسمو بروحى وعقلى وخيالى ليجول فوق البحار ومع الطيور وعلى الجبال ...

ما اجمل ان تعيش الحياة طليق ....ان تعيشها فقط ترضى الله عز وجل ...وتفعل ما تريد فى حدود ما احله الله ....

الله اعطانا سعة فى كل شئ ...ولم يضع حدود ابدا على فكرنا وعلى عملنا وعلى انطلاقنا ...

فقط ما وضعه الله وامرنا به اشياء تنظم علاقاتنا بمن حولنا وعلاقاتنا به حتى بنتظم الكون ومخلوقاته ....

فلتتسع الأن نظرتك لهذا الافق ولا تنظر من خلال ثقب وتقول ان العالم صغير...

اجتهد ....اقرا....تعلم ...فكر ....التمس الحكمة فانها ضالة المؤمن...فكر فى ما تقوله وتحكم به على الاخرين ..احترم ذاتك ومن حولك ..اتبع تعاليم دينك واتخد من نبيك عليه افضل الصلاة والسلام وصحابته قدوة فى الحياة....

الحياة واسعه فلا تضيقها انت بتفكيرك


واذا كانت الحياة واسعة فلما التشاؤم ...ابتسم فى وجه الدنيا ...يبتسم لك يومك ويحمل لك مستقبلك اجمل ما تتمنى ...

حتى وان اصابك سوء فسيكون افضل شئ قد يصيبك ...وبصبرك عليه تنل افضل الجزاء ...وبتحديك له تكن انجح الناس..

يارب نسالك ان نمضى على خطى الحبيبعليه افضل الصلاة والسلام
ونسالك الحكمة

ونسالك رضالك عنا والجنة

ونسالك علما نافعا وعملا متقبلا ...

يارب آمين



2

Written on 3:32 AM by asmaa





.........NO comment.........



شئ صعب

5

Written on 8:14 PM by asmaa





شئ صعب لما تكون نفسيتك وحشة وفيه شئ تاعبك وكل لما تحاول تكلم حد.. تسكت والكلام يعجز عن الخروج حتى لاحب الناس اليك ...وتبقى حيرتك جواك وتعبك جواك ...بس كلى امل ان حتى لو اقرب الناس مش معايا ان ربنا يكون راضى عنى ويتولى امرى

دعواتكم